വിള വായ്പകൾക്കു കാലാവധി 60 ദിവസം നീട്ടി

കർഷകരെടുത്തിട്ടുള്ള വിള വായ്‌പകൾക്കു പലിശയിളവ് (3%) ആനുകൂല്യത്തോടെ തിരിച്ചടവിനുള്ള സമയപരിധി 60 ദിവസത്തേക്കു നീട്ടാൻ കേന്ദ്ര സർക്കാർ തീരുമാനിച്ചു. കഴിഞ്ഞ മാസം ഒന്നുമുതൽ ഈ മാസം 31 വരെ തിരിച്ചടവുള്ള വായ്‌പകൾക്കാണ് 60 ദിവസംകൂടി ലഭിക്കുന്നത്. വായ്‌പ തിരിച്ചടയ്‌ക്കേണ്ട തീയതി മുതലാണ് 60 ദിവസം കണക്കാക്കുക.

വിള വായ്‌പകൾക്കു സാധാരണഗതിയിൽ ഏഴു ശതമാനമാണു പലിശ. കൃത്യമായി തിരിച്ചടയ്‌ക്കുന്നവരിൽ നിന്നു 4% പലിശയാണ് ഈടാക്കുന്നത്. അതായത്, പലിശയിൽ 3% ഇളവ്. വായ്‌പയെടുത്ത് ഒരു വർഷത്തിനുശേഷം തിരിച്ചടയ്‌ക്കുന്നവർക്ക് ഈ അനുകൂല്യം അനുവദിച്ചിട്ടില്ല
.