ഓറഞ്ച് പറിച്ചു, വീട്ടുമുറ്റത്തുനിന്ന്

മാലം തൊട്ടിയിൽ ഏബ്രഹാം കുര്യൻ വീട്ടുമുറ്റത്ത് കായ്ച്ചു കിടക്കുന്ന ഓറഞ്ച് മരത്തിനു മുന്നി‍ൽ...

അന്യസംസ്ഥാനത്തുനിന്നു വരുന്ന ഓറഞ്ച് വാങ്ങാൻ പലരും നെട്ടോട്ടമോടുമ്പോൾ കോട്ടയം മാലം തൊട്ടിയിൽ ഏബ്രഹാം കുര്യൻ വീട്ടുമുറ്റത്തുനിന്നു ദിനവും പറിച്ചെടുക്കുന്നത് ‘ഫ്രഷ് ഓറഞ്ച്’. വീട്ടുമുറ്റത്തെ ഓറഞ്ച് മരം സീസണിൽ നിറഞ്ഞു കായ്ച്ചു കിടക്കുകയാണ്.

വർഷങ്ങളായി സീസണിൽ ഈ ഓറഞ്ച് മരം ഫലം നൽകുന്നുണ്ട്. അൽപം പുളിയുണ്ടെങ്കിലും സ്വന്തം നാട്ടിൽ വിളയുന്ന ഓറഞ്ചിനോട് കഴിക്കുന്നവർക്കെല്ലാം നല്ല പ്രിയം. ഓറഞ്ച് മരത്തിനു രാസവളങ്ങൾ ഒന്നും പ്രയോഗിക്കുന്നില്ല. വേനലിൽ പതിവായി വെള്ളം ഒഴിക്കാറുണ്ടെന്നു മാത്രം.

നാട്ടുകാർക്കു കൗതുക കാഴ്ചകൂടി സമ്മാനിച്ചാണ് ഈ ഓറഞ്ച് മരം നിറയെ കായ്ഫലവുമായി നിൽക്കുന്നത്.