നഗരങ്ങളിൽ കോഴിവളർത്തൽ

മൃഗസംരക്ഷണവകുപ്പ്, കേരള പൗൾട്രി വികസന കോർപറേഷൻ‌ എന്നിവയുടെ സഹായ പദ്ധതികൾ.

നഗരങ്ങളിലും മുനിസിപ്പാലിറ്റികളിലും മൃഗസംരക്ഷണവകുപ്പ് കൂടുകളിൽ കോഴിവളർത്തൽ നടപ്പാക്കുന്നു. ആധുനിക കൂടുകളിൽ 4–5 പക്ഷികളെ വളർത്താൻ 50% ധനസഹായം. 700 യൂണിറ്റുകൾക്ക് യൂണിറ്റൊന്നിന് 5000 രൂപ.

സ്കൂൾ പൗൾട്രി ക്ലബ്

മൃഗസംരക്ഷണവകുപ്പിന്റെ സംസ്ഥാനത്തെ സ്കൂൾ പൗൾട്രി പദ്ധതിയിൽ 701 സർക്കാർ / സർക്കാർ എയ്ഡഡ് അപ്പർ പ്രൈമറി സ്കൂൾ / ഹൈസ്കൂൾ ക്ലാസുകളിലെ 50 വീതം വിദ്യാർഥികൾക്ക് 46–60 ദിവസം പ്രായമായ അഞ്ചു മുട്ടക്കോഴി കുഞ്ഞുങ്ങളെ വീതം നൽകുന്നു. ഒരു വിദ്യാർഥിക്ക് 725 രൂപയാണ് അനുവദിക്കുന്നത്.

കെപ്കോ പദ്ധതികൾ

കുടുംബശ്രീ യൂണിറ്റ്: തിരഞ്ഞെടുക്കുന്ന ജില്ലകളിലെ 20 കുടുംബശ്രീ ഗ്രൂപ്പിൽപ്പെട്ട 1,000 വനിതാ ഗുണഭോക്താക്കൾക്കു പ്രയോജനം ലഭിക്കുന്നു. ഓരോ ഗുണഭോക്താവിനും 10 കോഴിയും, 10 കിലോ കോഴിത്തീറ്റയും, 30 രൂപയുടെ മരുന്നും വിതരണം ചെയ്യുന്നു. ഓരോ ഗുണഭോക്താവും വിഹിതമായി 250 രൂപ അടച്ചാൽ മതി.

കോഴിവളർത്തൽ ഗ്രാമങ്ങൾ

തിരഞ്ഞെടുക്കുന്ന ഓരോ പഞ്ചായത്തിലും 660 വനിതാ ഗുണഭോക്താക്കൾക്ക് 5 കോഴി, 2 കിലോ തീറ്റ, 50 രൂപയുടെ മരുന്ന് എന്നിവ നൽകുന്നു. ഗുണഭോക്തൃ വിഹിതമായി ഓരോ ഗുണഭോക്താവും 150 രൂപ നൽകണം.

ആശ്രയ

തിരഞ്ഞെടുക്കുന്ന പഞ്ചായത്തുകളിലെ വിധവകൾക്കു പ്രയോജനം ലഭിക്കുന്നു. ഓരോ ഗുണഭോക്താവിനും 10 കോഴിയും, 10 കിലോ കോഴിത്തീറ്റയും 50 രൂപയുടെ മരുന്നും.

വായിക്കാം ഇ - കർഷകശ്രീ

അടുക്കളമുറ്റം‌

ഗ്രാമങ്ങളിലെ തൊഴിൽരഹിത സ്ത്രീകൾക്ക് ചെറിയ വരുമാനമാർഗം ലക്ഷ്യമിടുന്ന പദ്ധതിയാണ് റൂറൽ ബാക് യാർഡ് പൗൾട്രി. ദാരിദ്ര്യരേഖയ്ക്കു താഴെയുള്ള 500 ഗുണഭോക്താക്കൾക്കാണ് പ്രയോജനം. പട്ടികജാതി–വർഗത്തിൽപ്പെട്ടവർക്കു മുൻഗണന. ഓരോ ഗുണഭോക്താവിനും 45 കോഴികളെ മൂന്നു ഘട്ടങ്ങളായി നൽകുന്നു. 150 രൂപ കൂടു നിർമാണത്തിനായി നൽകും. ഓരോ ഗുണഭോക്താവും കോഴി ഒന്നിന് 35 രൂപ നൽകണം.

നഗരപ്രിയ

നഗരപരിധിക്കുള്ളിൽ സ്ഥിരതാമസമായ കുടുംബങ്ങൾക്ക് ഓരോ ഗുണഭോക്താവിനും അഞ്ചു കോഴിയും, ആധുനിക രീതിയിലുള്ള കൂടും, അഞ്ചു കിലോ കോഴിത്തീറ്റയും, മരുന്നും നൽകുന്നു. ഗുണഭോക്താക്കൾ നിശ്ചിത വിഹിതം അടയ്ക്കേണ്ടതുണ്ട്.

കുഞ്ഞുകൈകളിൽ കോഴിക്കുഞ്ഞ്

സംസ്ഥാനത്തെ സർക്കാർ / എയ്ഡഡ് സ്കൂളിലെ യുപി വിഭാഗത്തിലെ 6,7 സ്റ്റാൻഡേർഡുകളിലെ കുട്ടികൾക്കും, ഹൈസ്കൂൾ വിഭാഗത്തിലെ 8,9 സ്റ്റാൻഡേർഡുകളിലെ കുട്ടികൾക്കും പ്രയോജനം ലഭിക്കുന്നു. ഓരോ കുട്ടിക്കും അഞ്ചു കോഴിയും, മൂന്നു കിലോ തീറ്റയും, മരുന്നും സൗജന്യം.

കോൾനിലങ്ങളിൽ

തൃശൂർ– പൊന്നാനി മേഖലകളിലെ തിരഞ്ഞെടുക്കപ്പെടുന്ന കോൾനിലങ്ങളുടെ വികസനം മുൻനിറുത്തിയുള്ള പദ്ധതിപ്രകാരം ഒരു ഗുണഭോക്താവിന് 12 കോഴി, 10 കിലോ കോഴിത്തീറ്റ, 50 രൂപയുടെ മരുന്ന് എന്നിവ നൽകുന്നു. ഓരോ ഗുണഭോക്താവും വിഹിതമായി 100 രൂപ അടയ്ക്കേണ്ടതാണ്.

ഫോൺ: 0471 2478585

കോഴിക്കുഞ്ഞു വിതരണം

വെറ്ററിനറി സർവകലാശാലയുടെ മണ്ണുത്തി പൗൾട്രി കേന്ദ്രത്തിൽ പ്രതിവർഷം 310 മുട്ടയിടുന്ന അതുല്യ കോഴികളുടെ കുഞ്ഞുങ്ങൾ‌ വിൽപനയ്ക്ക്. മുൻകൂർ ബുക്ക് ചെയ്യണം. ആഴ്ചയിൽ 500 കുഞ്ഞുങ്ങളെവരെ വിതരണം ചെയ്യും.

നാടൻ ഇനമായ തലശ്ശേരി കോഴികളും, സങ്കരയിനങ്ങളായ ഗ്രാമലക്ഷ്മി, ഗ്രാമപ്രിയ എന്നിവയും ഇവിടെ ലഭിക്കും.

ഫോൺ: 0487– 2370237

ആടു വളർത്തൽ

ആടുവളർത്തലിൽ പരിശീലനം ഈ മാസം 19 മുതൽ 22 വരെ തൃശൂർ രാമവർമപുരത്തു മിൽമ ട്രെയിനിങ് സെന്ററിൽ.

ഫോൺ: 0487– 2695869

അങ്കമാലിയിൽ കാർഷികമേള

ഈ മാസം 21 മുതൽ ജനുവരി രണ്ടു വരെ അങ്കമാലി സെന്റ് ജോസഫ് സ്കൂൾ മൈതാനത്തിൽ കാർഷിക പുഷ്പമേള, അലങ്കാരമത്സ്യം, പെറ്റ്സ്, അലങ്കാരപ്പക്ഷി, കോഴി, പ്രാവ്, പുഷ്പ പ്രദർശനം. ഒപ്പം ഭക്ഷ്യമേളയും. അഗ്രികൾച്ചറൽ ആൻഡ് അക്വാ പെറ്റ്സ് ബ്രീഡേഴ്സ് ആൻഡ് ട്രേഡേഴ്സ് അസോസിയേഷനാണ് മേള ഒരുക്കുന്നത്. ജൈവ പച്ചക്കറികൾ വിൽക്കുന്നതിനായി കർഷക കൂട്ടായ്മകൾക്ക് സൗജന്യ നിരക്കിൽ സ്റ്റാളുകൾ നൽകും. ഒരു ലക്ഷം രൂപ ഒന്നാം സമ്മാനം നൽകുന്ന പുൽക്കൂട് മത്സരവും ഉണ്ടായിരിക്കും.

വി.പി. പ്രിൻസൺ, കോഓർഡിനേറ്റർ, ഫോൺ: 09400 190421

ഇമെയിൽ: prizmeventstcr@gmail.com

(തയാറാക്കിയത്: സി.എസ്. അനിത, ഫാം ഇൻഫർമേഷൻ ബ്യൂറോ, തിരുവനന്തപുരം
)