വളം സബ്സിഡി ബാങ്കുകൾ

 വഴിയാക്കും

കർഷകർക്കുള്ള വളം സബ്സിഡി ബാങ്ക് അക്കൗണ്ടുകൾ വഴി നേരിട്ടു നൽകാൻ സർക്കാർ തയാറെടുപ്പു തുടങ്ങി. തിരഞ്ഞെടുത്ത 16 ജില്ലകളിൽ നടപ്പാക്കിയ പദ്ധതി വിജയിച്ച സാഹചര്യത്തിലാണിത്. പ്രതിവർഷം 75,000 കോടിയോളം രൂപയാണു വളം സബ്സിഡി.

ഇതേസമയം, കർഷകരിൽ പകുതിയും ഭൂവുടമകളല്ലാത്തതു കൊണ്ടു സബ്സിഡി വിതരണം വെല്ലുവിളിയാകുമെന്നു രാസവസ്തു, വളം മന്ത്രി അനന്ത്കുമാർ പറഞ്ഞു. വളം മേഖലയിൽ സ്വയംപര്യാപ്തത നേടുന്നതിന്റെ ഭാഗമായി അടഞ്ഞുകിടക്കുന്ന യൂറിയ പ്ലാന്റുകൾ വീണ്ടും തുറക്കും. പ്രകൃതിവാതകം ‌ലഭ്യമായ ഇറാൻ, അൽജീറിയ, മ്യാൻമർ എന്നിവിടങ്ങളിൽ വളത്തിനു പ്രത്യേക സാമ്പത്തിക മേഖലകൾ സ്ഥാപിക്കുന്നതിനുള്ള ചർച്ചകളും പുരോഗമിക്കുകയാണെന്നു മന്ത്രി വെളിപ്പെടുത്തി
.